صفحة 2 من 27 الأولىالأولى 123412 ... الأخيرةالأخيرة
النتائج 9 إلى 16 من 215
ألف ليلة وليلة , احلى صدفة بحيــــاتي ( رواية تجنن كاملة ) استراحة منتديات بنات; مرحبـــااااا يعطيك ربــي العــاافيه ولا يحرمنـااا طلتكـ ويجزيك ربي كل الخيـر على القصه الحلــوووه و تسلم يدكـ على هذا التعــب ...
  1. #9
    |طيبتي غ ــلطه | الصورة الرمزية ورد القـلــوب
    تاريخ التسجيل
    Sep 2004
    المشاركات
    653
    معدل تقييم المستوى
    10

    رد: احلى صدفة بحيــــــــــــــاتي ( رواية تجنننن كااااااملة )

    مرحبـــااااا

    يعطيك ربــي العــاافيه ولا يحرمنـااا طلتكـ
    ويجزيك ربي كل الخيـر على القصه الحلــوووه
    و تسلم يدكـ على هذا التعــب
    و راح اقراها كل ما نزلتي جزء ان شاا الله
    لا تحرمينا بـااقي القصه حبووبه ^ـ^
    ننتظرك
    اختك
    ورد القلوب ^ـ^

  2. #10
    بنوتة ماسية
    تاريخ التسجيل
    Feb 2007
    الدولة
    .....جده غير.....
    المشاركات
    1,534
    معدل تقييم المستوى
    9

    رد: احلى صدفة بحيــــــــــــــاتي ( رواية تجنننن كااااااملة )

    ورد القـلــوب
    مشكووووره يا قلبي ع المتابعه

    و هذا جزء عشان خاطر كل متابعات القصة

    _______________________________

    الجــــــــــــــــــزء الـــــــرابــــــع


    سمعت صوت الباب ينفتح وتوقعته ام الهنوف لفت على الباب وانصدمت..


    رغد في نفسها"تـــــــــــــــــركــــــــي..
    تركي قرب من عندها وماعرفها...يالله من هالملاك اللي قدامي ....يلعن العيون تذبح ولاالجسم يشق الراس شق..
    تركي حب يستهبل عليها:هلا انتي من مشجعات المنتخب...<<<عشانها لابسه اخضر
    رغد من الصدمه: ...........................................
    تركي قعد يناظر عيونها وهي تطالعه ....هذي وش فيها تناظرني كذا اكيد معجبه فيني<<<احلى يالوااثق
    رغد انتبهت لعمرها وماتدري وش تسوي اختبصت ومشت لقدام وبعدين هونت ورجعت لورى ....
    وبعدين لفت على تركي وقعدت تناظر فيه ....والله انه مزيون ..بس توهقت وين اروح..
    تركي وهو كاتم الضحكه: ويقول في نفسه"ياحليلها والله انها خبله .......بس تشبه وحده بس مدري من هي؟..
    تركي: اقول يالسعوديه بزياده ترى المطبخ من وراك ..
    رغد عصبت وتقول في نفسها "هذا بدال مايروح يقول روحي انتي..لا وجالس يناظر فيني صدق مايستحي على وجهه."
    وتوها بتروح المطبخ طلعت عليها الهنوف:رغد معليش تأخرت ..............تركي وش جابك الحين وبعدين ليش واقف..
    تركي مرتبك:كنت بروح آخذ لي غرض..
    الهنوف بعصبيه :طيب تحرك..
    تركي :خلاص هونت بطلع يلا عن اذنكم ...فرصه سعيده ياسعوديه.....وطلع..
    رغد:صدق اخوك مايستحي على وجهه..قليل الادب مع احترامي لك يالهنوف ..بس من جد قاعد يطالع فيني ولا تحرك ولا حاول يلتفت يمين شمال يستحي عللى دمه شوي.....وانا ياعمري على حالي ماعاد ادري وش اسوي بنفسي ....اروح يمين بعدين ارجع اروح يسار وهو جالس يتفرج علي ويضحك ..ولابعد يهزء وفيني ويفشلني..<<<<البنت مسكت خط ..
    الهنوف بصوت عالي :رغد بـــــــــــــــــــــــــــــــس..
    رغد سكتت..
    الهنوف تضحك :وش فيك خلاص حصل خير..
    رغد:سوري الهنوف بس اخوك رفع ظغطي..
    الهنوف:تركي ماتعرفينه مع البنات ماعنده تفاهم..
    رغد:طيب انا في بيتكم..
    الهنوف:هومايعرف انتي في بيت في سوق في مطعم كله واحد.....ماعليك منه..


    &&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
    تركي:" يالله هالبنت شويه عليها جنان تاخذ العقل والله الهنوف اختي تعرف تختار..بس من جد تشبه وحده مدري مين..بس اليوم انشالله بمسك الهنوف وتحقيق معاها لين اعرفها..بصراحه البنت لقــــطه.."
    &&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&



    سليمان:اهلين مشاري..
    مشاري :هلاوالله..كيفك وش الاخبار؟..
    سليمان :الحمدلله بخير...بصراحه تغـــــيرت..
    مشاري:احلويت صح...
    سليمان: لا انتفخت..ههههههههه
    مشاري:ههههههههههههههه ادري وانا قاعد احاول اخفف وزني..
    سليمان:ايه الله يعين..الا اخبار اخوك مشعل؟..
    مشاري:الحمدلله بخير وهو مع اخوك بنفس المدرسه صح..
    سليمان:ايه مع محمد بنفس المدرسه

    "وصاروا يسولفون"


    &&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&


    رغد رجعت للبيت...
    رغد:السلام عليكم..
    الكـــــل: وعليكم السلام..
    ام مشاري: هلا والله برغوده..انشالله انبسطتي ..
    رغد:اكيد راح انبسط مع صديقه عمري..
    ام مشاري: ايه الله يخليكم لبعض...بصراحه عشره عمر من يوم كنتوا صغار وانتو صديقات..
    رغد:آمـــــــــــــــــــين..
    ريم: هلا والله رغدوووه..
    رغد:اهلين ريمووه..
    ام مشاري: بديتوا تتهاوشون..
    رغد: لا يمه الحين ندلع بعض..
    ريم ونتغزل في بعض..
    ام مشاري:الله يرجكم اقوم اشوف ابومشاري احسن لي..
    رغد:روحي شوفي حبيب القلب..
    ام مشاري:هههههههه الله يقطع سوالفك يارغيد جوزي عني..ترى ماني فاضيه لك..
    رغد:ههههههههههه ياحليلها امي تستحي..
    ريم:اقول اقعدي سولفي علي..
    رغد:قبل لا اسولف ماتلاحظين مشيعل اخوي صار لنا كم يوم موشايفينه..
    ريم:وانتي الصادقه صارلي ثلاث ايام ماشفته..

    دخــــــــــــــــل مشـــــعل...
    ريم:حكينا بالقط جانا ينط..
    مشعل يستهبل: نيو ..نيو.. وش تحشون فيني..
    رغد: ابد سلامتك ..بس نقول صارلنا كم يوم ما شفناك مشتاقين لك..
    مشعل: ايه اشوى..تصدقين عاد..من زمان ماشفتكم..عشان كذا ايامي سعيده..
    ريم: هذا جزانا ..
    مشعل: لالاامزح امزح..وش اخباركم ياخواتي..
    ريم ورغد: الحمدلله ياخونااااااااا..

    "وصاروا يسولفن مع بعض شوي..وبعدين طلعوا لغرفهم"

    ريم: رغد ماقلتي لي وش سويتي انتي والهنوف ..
    رغد: صح ماقلت لك وش صار ؟؟
    ريم طبعا اشتغلت اللقافه عندها: وش صار
    رغد: اليوم شفت شخص ما يخطر على بالك
    ريم: مين يلا عاد بسرعه
    رغدك توقعي
    ريم:اممممممممممممممممممم والله ماادري قولي منو؟؟
    رغد تستهبل: شفت......شفت........سليمان
    ريم: سليمان!!! كذااااااااااااااااااابه
    رغد: لاصديقه
    ريم : سليمان ولا صديقه
    رغد :لا صديق سليمان
    ريم: اي واحد
    رغد: اتوقع انه تركي
    ريم: تركي!!
    رغد: ايوه
    ريم: هذا اللي اقولك حاط العين عليك
    رغد حست بشعور غريب لما تذكرته:بجـــــــــــــــــد هذا اللي تقولين ..ياحليله....وسكتت.....
    ريم: رغد.......رغــــــــــد........رغيــــــــــــــــ ــــــــــد
    رغد: هاااااااااه
    ريم: حبيته على طول
    رغد: وش هالكلام حبيته وما حبيته .... اول مره اشوفه واحبه
    ريم: طيب وشلون شفتيه؟؟؟
    "رغد قالت لريم الموقف اللي صار لها"
    ريم: اجل انخطبتي
    رغد: اقول بلا سخافه
    ريم: جد تراه راعي استهبالاااات
    رغد: فور دمي... يا ثقل دمه
    ريم: ثقيل دم بس حبوب<<<<<<<البنت عندها خبره


    &&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&


    فـــــــــي بيت الهــــــــــــــــــنوف


    تركي في غرفته راقد على السرير يفكر باللي شافها اليوم "ياربيه هالبنت مو راضيه تروح عن بالي ... ليه افكر فيها طول الوقت.. لايكون ياولد تعلقت فيها ..اقوول خلني اروح للهنوف واستفسر منها كل شي ؟؟!!!
    راح غرفة الهنوف
    تركي يدق الباب..
    الهنوف : مين؟!
    تركي: انا....
    الهنوف :تفضل..
    دخل تركي الغرفه...
    الهنوف: خير وش تبغى؟؟1
    تركي :الخير بوجهك حبيبتي
    الهنوف:مداام السالفه فيها حبيبتي...ولا بعد جاي غرفتي اكيد فيها مصالح..
    تركي:أي مصالح واي خرابيط .. يعني حرام الواحد يقعد مع اخته ويسولف شوي..
    الهنوف: لا مو حرام بس خلصني ابغى انام وراي بكره مدرسه ..وزي ما نت عارف انا بثالث ثانوي..
    تركي: خلاص قلتي سيرتك الذاتيه كلها..
    الهنوف: اخوي.. حبيبي.. ادخل بالموضوع على طول بدون لف ودوران..
    تركي: انت قاعده توصفين بيتكم..
    الهنوف:ههههههاي بايخه..
    تركي: الا اقول هنوفه اختي من اللي كان عندك اليوم..
    الهنوف: يا اخي قول كذا من الاول .. قل انك بتسأل عن البنت.. ليه وش تبي فيها؟؟
    تركي:لا بس مجرد سوال
    الهنوف: انتبه وهذا انا احذرك صديقة عمري ابعد عنها..
    تركي: طيب انا وش قلت اسأل عنها بس......طيب وش اسمها؟؟
    الهنوف بقلة صبر: اسمها رغد..
    تركي : رغد ايش؟؟
    الهنوف: ليش ناوي تخطبها؟؟
    تركي يبغاها تتكلم: أيـه
    الهنوف بفرحه: بجد انت تتكلم ولا تمزح...
    تركي: لا مو اكيد بس افكر.. يله قولي اسمها وكل شي عنها؟؟
    الهنوف:اسمهارغد ال(...................) ومعي بنفس المدرسه ونفس الفصل كمان وش بعد.... وعن الوصف .. بسم الله عليك قزيتها قز... وش تبي تعرف عنها بعد؟؟؟؟
    تركي: طيب عندها خوات؟
    الهنوف: ايه عندها اخت وحده اسمها ريم واخوانها اثنين مشاري ومشعل.
    تركي بصدمه: مشاري ال(.........) اخوها..
    الهنوف: ايه ليش تعرفه؟؟
    تركي على طول جا في باله رورو" سليمان قايل لي أن مشاري اخوها وان مشعل اخوها يدرس معنا بنفس المدرسه اللي ادرس فيها ..واكيد انها هي والدليل انه دلعها رورو ودلع اختها رودي وهذا الشي بحد ذاته يأكد .. بس انا لازم اتاكد زياده"
    الهنوف: تروك وصمخ.........
    تركي: نعم وش تبين؟؟
    الهنوف : ساعه اناديك وين رحت لايكون تفكر في صديقتي تراني اغار عليها..
    تركي: انتو ياذا البنات عندكم حركات مدري وش تبي.. فيه بنت تغار على بنت..
    الهنوف: ايه لا يكون غاير منا ؟؟
    تركي: وش علي منكم ..الا بسألك اخر سؤال؟؟
    الهنوف: انت ما تلاحظ انك فاتح معي محظر تحقيق..
    تركي يتطنز: ايه علميني عاد عشان اخطب صديقتك وتصيرين انتي وياها بنفس البيت وتلعبين معاها وتاكلين وتروحون السوق مع بعض... شفتي الفله..
    الهنوف: قم .. قم.. قاعد تلعب علي تحسبني اصغر عيالك..
    تركي: الا على طاري العيال وبعد تصرين عمه من جد فله احد يناديك عمتي الهنوف
    الهنوف: ترى وصلت معي قل سؤالك واخلص؟؟
    تركي: يعني مو سؤال واحد هم اثنين..
    الهنوف: ايه استعجل ترى راسي بدى يصدع..
    تركي: السؤال الاول... هي وش يدلعونها؟؟
    الهنوف: الحين هذا سؤالك البايخ..وش لك بدلعها
    تركي: انتي جاوبيني وبس..
    الهنوف: يدلعونها رودي..
    تركي في نفسه" اكيد انها هي ":طيب اخوها مشعل يدرس بأي مدرسه؟؟
    الهنوف: اظن وعلى ما اعتقد انه بنفس مدرستك بس هو متوسط مو ثانوي..
    تركي من الفرحه: يــــــــــــــــــــــــس
    الهنوف: الحمد لله والشكر وش عليه مبسوط..
    تركي: وش اللقافه اعوذ بالله يالبنات ما ينعطون وجه .. الشرهه مو عليك الشرهه على اللي جالس معك..
    الهنوف بصدمه : ااه يالنذل اطلع برا لااقلب عليك الغرفه خذت اللي تبي وبعدين تسب فينا هاااه.. هين مره ثانيه اللي يعطيك وجه لو تموت ما حاكيتك..
    تركي: عااد انا اللي ميت عليك نامي واخمدي نامت عليك طوفه يا الدافوره
    الهنوف وصلت معا وقامت تصارخ: تــــــــــــــــــــــــــــــــــــــريـــــــــ ــــــــــــــك .. اطلع برى لا احرق فيك البيت..
    تركي:يا حليلها تشب بسرعه..
    الهنوف توها بتقوم عليه الا طلع وهو يضحك..
    تركي دخل غرفته وهو يضحك على اخته الي طلع وجهها نار على طول تشب بس ما علي منها .. اجل يا رورو طلعتي ريم ويا رودي طلعتي رغد..بس رب خير من الف ميعاد اليوم احلى صدفه بحياتي ..رغد ماشا الله ايه من الجمال واخلاق بعد بس هم يمكن فري شوي بس عادي اعدلها بعدين<<<<<<<ليه سياره...
    وانا اقول وين شايفها فيه ومتعب عمري تشبه احد الحمد لله طلعت تشبه اختها ريم... وينك يا سليمان متى يجي بكره عشان اقولك وش صار معاي والله البنات فـــــــــــــــله...

    &&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&

    صباح الســـــــــــــــــــــــــــبت

    رغد صحت من النوم وراحت تصحي اختها ريم..
    رغد: ريم .. ريمووه....ووجع اصحي..
    ريم: طيب طيب بس خمس دقائق..
    رغد: أي خمس دقايق الحين الساعه سبع الا ربع تاخرنا على المدرسه..
    ريم: طيب..طيب.. روحي انتي وانا الحقك..
    رغد: ايه هين.. زي كل مرره اوح وارجع الا قيك نايمه.. اصحي الحين ولا اجيب المويه واكبها عليك..
    ريم: لالا خلاص قمـت..
    ولبسوا مريول المدرسه ونزلو يفطرون..
    ام مشاري: هلا والله بناتي.. صباح الخير..
    رغد وريم: صباح النور..
    وجلسوا يفطرون ونزل مشعل..
    مشعل :صباح الخير جميعا..
    الكل : صباح النور
    ريم: بدا بدا.. المسلسل .. رغدعرفتيه نسي اسمه.
    رغد:ايه عرفته.. اسمه كذبة زمااااني..
    ريم: ايوووه هذا هو تذكرته..
    مشعل يناظر ريم بحقد:أي يمه بطني يعورني..
    مشعل : يمه تصدقين بطني يعورني من امس وما قدرت انام.
    ام مشاري: يمه وليدي وش فيك..
    ام مشاري: قم ياوليدي رح الخدامه قلها تعطيك بندول .. ولا تروح المدرسه..
    مشعل بإصرار كذاب : لايمه لازم اداوم..
    ريم: ياربيه يا كبرها عند ربي .. اكبر كذاب وممثل شفته في حياتي ..والله المسلسل بياخذ اوسكار من تمثيلك..
    مشعل يهمس لريم: انتي هين شغلك بعدين...
    ام مشاري :مافي دوام يعني مافي دوام.. روح للخدامه الحين..
    مشعل: امرك يالغاليه..
    وصل المطبخ وقام يغني ويرقص ويحر ريم ورغد..
    ريم: يمه شوفيه..شوفيه.. يرقص ..
    ام مشاري : لفت على المطبخ .. ومشعل على طول تعدل وصار يمثل ..:أي يرقص وهو تعبان اسم الله عليه ان شا الله في عدوينه ا اللي يكرهونه..
    ريم : ياعمري انتي يا يمه ..مصدقه مسيلمه الكذاب..
    ام مشاري: ريم شكلك غيرانه منه..
    ريم بقهر: لا غيرانه ولا شي.............انا طالعه يلا رغد مشينا ترانا تأخرنا.
    رغد: طيب لا تنافخين علي انا وش دخلني..
    وطلعوا وبعدها راحت كل وحده للمدرستها.

    فــــــــــــــي مدرسة رغـــــــــــــــــــــد

    رغد مع الهنوف صديقة عمرها..
    رغد: هلا والله بصديقتي واختي وكل شي بحياتي.
    الهنوف: انا على هالكلام ما قدر وع الصباح..انا ما تحمل خلاص ترى بذوب عليك.
    رغد:ههههههههههه ولو انتي غاليه..
    الهنوف: تسليمين والله..رغد تصدقين انا ماتحمس اجي لمدرسه الا عشانك..
    رغد: تسليمين يا بعد دنيتي . حتى انا والله ما يحمسني ومصبرني على هالمدرسه الا انتي
    الهنوف: تذكرت ...فاتك امس اخوي تركي..
    رغد من جاء طاري تركي حست بحراره جسمها ترتفع وجهها طلع احمر وقلبها تحس انه بأي لحظه بيوقف .. بس ما تدري وش السبب: ليه مش فيه..
    الهنوف: امس ذبحني ما سكني تحقيق عنك.
    رغد وصارت خدودها حمرا: ليه وش قال عني .
    الهنوف: ما بقى سؤال الا وسألني عنك ... حسيت نفسي في برنامج من سيربح المليون ..
    رغد:هههههههههههههه حلوه بس قولي وش قال بالتفصيل..
    " الهنوف قالت لرغد اللي صار "
    الهنوف:ايوه شكله يعرف اخوك مشاري.
    رغد حست بالخوف: يعرفه .انتي متاكده..
    الهنوف: ايوه.. حتى سألني عن مشعل ..
    رغد بخوف اضح عليها : ايوه وش قلتي له..
    الهنوف لاحظت رغد: ايوه قلت له انه اخوك وانه بنفس مدرستك بس متوسط..
    رغد:.........................................
    الهنوف: رغد وش فيك ليه فيه شي .. لايكون زعلتي عشاني حكيت عنك عند تركي ترىوالله انا مو.............
    قاطعتها رغد:لا مافيني شي .. بعدين عادي خذي راحتك.. اصلا خلاص حجزت اخزك لنفسي<<<<تستهبل
    الهنوف: الله لو جد تاخذين اخوي تركي والله فله.
    رغد: ايه عاد لاتصدقين...
    وبعدها بدت الحصص طبعا لا تخلو كل حصه من حش المدرسات من ناحية اللبس ولا الميك اب وتناسق الالوان..

    فـــــــــي مدرسة سليمان وتركي



    سليمان : صباحوا يا احلى تروك.
    تركي: صباحو احلى لاحلى ابو سلوم..
    سليمان:هههههه ما تلاحظ النفسيات مروقه..ولا اليوم السبت.
    تركي: بس انا عندي عذري .بس انت وش عندك.
    سليمان: حتى انا عندي عذري .. بس انت وش اللي عندك..مروق اصلا انت السبت ما تدومه خلقه ... اكيد في شي بشرني..
    تركي : والله لو اقولك ما تصدق..
    سيلمان: الا بصدقك ..بس انت قول وش عندك.
    تركي:تتوقع من شفت في بيتنا ؟؟
    سليمان: مــــــــــــــــــين....
    تركي: تتذكر رورو .... واختها رودي...
    سليمان بخوف: لا يكون شفت رورو..
    تركي حب يستهبل: ايوه يس لو شفتها يا سليمان قمر قاعد..ايه من الجمال ولاااا ولا اللبس يذبح مطلعه السيقان والكتوف ونص الظهر ..
    سليمان : لايكون قاعد تناظر وتطالع فيها...
    تركي: لاتوصي حريص ما بقى شي ما شفته..
    سليمان عصب واشتغلت الغيره: اقول انقلع وظف وجهك هناك لا اقوم واحوس في بطنك الحين..
    تركي: ههههههههههههههههههههههههههههاي
    سليمان: هذا اللي بيذبحني..
    تركي من الضحك ما قدر يتكلم
    سليمان: تروك روح اضحك بعيد عن وجهي ماله داعي نخسر بعض..
    تركي: طيب ههههههههه اصبر شوي هههههههههه بطني والله بطني ههههههههههههههه ........ اووووووووه خلاص بتكلم يا خي على طول ولعت يا خي امزح معك شكلك حبيتها بضمير...
    سليمان: يا ثقل دمك انت ومزحك ....
    تركي: احلى اللي يغارون..
    سليمان: ايه بس ما قلت لي من شفت ...
    تركي: شفت اختها...
    سليمان: جد والله..
    تركي: ولا بعد عرفت اسمائهم....
    سليمان: والله وش اسم رورو..
    تركي: بـــكم ...
    سليمان: افا وهذا وانا صيديقك وخويك تقول بكم بس يله قل ولك اللي تبي ....
    تركي : مشكلتك تصدق بسرعه .يا خوي نمزح ... اسمها... اسمها..
    سليمان: أيــــــــــــــــــــــــــــــه..
    تركي : اسمها..............................ولا اقولك عيب اخت محارمنا ....
    سليمان: هذا اللي يبيني اذبحه على هالصبح..
    تركي: ولا تزعل يالحبيب.. اسمها.................... ريم
    سليمان برومنسيه: ريم ...........سبحان الله اسم على مسمى .... غزال الريم....
    تركي :والله وقلبت شاعر:..
    سليمان: تستاهل اكون لها عبد الله الفيصل...
    تركي: انا على هالحب ما اتحمل...
    سليمان: ههههههههههههههه الله يرجك بقوطي البيبسي اللي معي ..
    تركي: ههههههههه حلوه بس لاتعيدها..
    سليمان: الا وش اسم حبيبة القلب الي مخليتك مبسوط...
    تركي: عيب هذي زوجتي..
    سليمان: بدينا نخبي على بعض..
    تركي: ابقول وامري لله... اسمها رغد
    سليمان: تصدق بعد اسمها يجنن... على عيونها..
    تركي: حدك عاد ترى ما غلطنا على محارمك .. فا ارجوك الزم حدودك ..
    سليمان: ههههههههههههه يا حليلك ياولد
    تركي: ولد بعينك.. وبعديت تعال هنا تجرني بالحكي ..وما قلت لي وش اللي با سطك اليوم...
    سليمان:على بالك انت الوحيد اللي شايفهم..
    تركي: لايكون شايف حرمتي..
    سليمان: اقول ظف وجهك انت وحرمتك ...
    تركي: اجل وش صار ..؟؟
    سليمان: تتذكر الساعه..
    تركي: ايوه..
    سليمان: اهي كان متصله من جوالي على اختها تذكر.. وانا اتصلت اختها واختها عطتني رقم جوال اختها ... وكلمتها وقابلتهم بالسوق..وعطيتهم الساعه..
    تركي: رقم زوجتي معاك... عطني الرقم ..وامسحه فاهم ولاعاد اشوفك جايب طاري زوجتي على لسانك.. واذا بغيت تقول اسمها ..قول حرم تركي..فهمت..
    سليمان: اقول تراك معطي نفسك وزجتك اكبر من حجمكم ... روح زين..
    تركي: احلى ياللي بيطلع نسيبي ....
    سليمان: لاتصدق عمرك يمكن ما توافق عليك
    تركي: حتى انت.. لاتصدق عمرك.. يمكن ما توافق عليك بعد..ولا فالح تحطيم فيني..
    سليمان: وانت الصادق..
    قطع عليهم نواف وسعود...
    نواف: هلا بالشباب وش عندكم سوالف وضحك..ولا بعد تركي مداوم اليوم....
    تركي : مشتاق لك..
    نواف : تشتاق لك العافيه..
    تركي: الخبل صدق عمره..
    نواف: خبل في عينك ... اقول تراني مروق ماله داعي تخرب علي ..
    سعود: وانتو هذي حياتكم تتهاوشون وبس...
    تركي: نطق واخيرا الصامت ... وش خلاك تنطق..
    سعود: من جد هذا اللي بيخرب علينا اليوم..
    سليان:وش ناوين عليه؟؟؟
    سعود: ناويين نجنن المدرسين اليوم..
    سليمان:والله وتغيرت ياسعود ..
    سعود: والله بعد هذيك رورو مدري ورور المهم اللي هي تقول ان البنات يستهبلون فقلت انا الولد مااسوي هالحركات والبنات يسوونها..
    سليمان :عصب مايحب احد يجيب طاريها بس سكت لايسون عليه الشباب.....اقول..مشينا..
    الشباب:يــــــــــــــله..
    بدى الدوام عادي مثل كل يوم بس الكل حس فقده لريم لانها يوم الاربعاء مغيره عليهم الجو
    نواف:الله لو يكون بنات وعيال مع بعض..
    تركي: والله انت الصادق كان ما اغيب ولا يوم عن المدرسه حتى الخميس والجمعه بداوم
    سعود:الله من جد وناااااااااسه بس صدق فقدنا البنت..
    سليمان بزلة لسان: أي والله بصراحه البنت شي..
    سعود ونواف:ههههههههههههههههه ابو سلوم لايكون تعلقت فيها
    سليمان يصرف: أي تعلقت واي خرابيط ..لابس يوم الاربعاء كان غير كنت سوبر مان..
    تركي: ايه واضــــح لازقه فيك وماتجلس الاجنبك وماتعطي وجه الا انت وش تبغى بعد..اكيد راح تفقدها..
    سليمان: ههههههههههههههههههه شكلك منقهر..
    "وكملوا الشباب سوالف وضحك.. وهواش في اغلب الاحيان..<<<ولامايطلعون عيال.."

    "في مـــــدرسـة ريـــــــــــــــم"

    ريم : صباح الخير سارونه ..
    ساره :صباح النور والسرور والفل والياسمين ..
    ريم: بس بس كثرتي..بعدين وين احطهم..<<<<الرومنسيه على جنب..
    ساره:ههههههههههههههههههههههه الله يرجك..
    ريم:وحشتيني يالدوباا..ويــــــــنك ماتصلتي علي ولاسمعتينا صوتك بالويك اند ..الابس يوم جيتي وعطيتيني الشنطه واختفيتي بعدها..
    ساره: والله ياعمري وياحبيبتي انشغلت شوي اعذريني..
    ريم: مسامحتك ياقلبي..
    ساره:الا تعالي قولي لي وش صار يوم طلعتي من المدرسه..
    ريم:الله لايوريك شفت شي بحياتي ماقد شفته لابالماضي ولا بالحاضر ولابالمستقبل بعد..
    ساره: ليه وش صار؟..
    "قالت ريم لساره السالفه يوم دخلت مدرسه العيال..
    ساره: ياعمري والله من جد تكسرين الخاطر ....احمدي ربك طحتي بواحد حبوب وسنع ورجال ..
    ريم:تصدقين ...سليمان آآآآآخ ياسليمان هذاك الرجال خذا عقلي وقلبي وراح..
    ساره: جد حبيتيه؟..
    ريم: الا امووووووووووت عليه..
    ساره: وش هالحركات......طيب مزيون.؟..
    ريم: يقطع القلب..
    ساره : حمستيني اشووفه..
    ريم: هيه انتي تراني اغار على سلومي حبيبي..
    ساره: بدينا .....الله يهنيك ويجمعكم مع بعض تستاهلين واحد مثله من كلامك عنه شكله رجال والنعم فيه..
    ريم:ولابعد صارت احداث..
    ساره بحماس: وش صار بعد شوقتيني
    "ريم قلت لساره عن سالفة الساعه"
    ساره: لابصراحه من حقك تتعلقين فيه..
    ريم: ماتشوفيني رايحه في خرايطها..
    ساره:هههههههههههه حلوه هذي خرايطها..
    ريم:ايه هذي من تأثير سليمان كل يوم مطلعه كلمه جديده.
    ساره:الله يقع ابليسك..
    ريم: لا بعد ماحكيت لك وش صار بعد..
    ساره : وش بعد لا اليوم مشتغله انتي ام هلال نقالة الحكي..
    ريم:ايه لاحظت بس السبب انتي لو انك متصله علي كان قلت لك السوالف حبه حبه..
    ساره:مواعتذرنا خلاص عديها..
    ريم: بعديها لك تعالي داخل لان الاداريات بكفخوناا الحين شوفيهم وشلون يناظرونا..
    ساره:يله مشينا..
    "طبعا صاروا يسولفون بتاحصه ماعندهم أي مشاكل"
    ريم:ايه بقولك عن ريم اختي وتركي صديق سليمان..
    ساره: ايوه وش صار عليها..
    "ريم قالت وش صار لرغد في بيت الهنوف"
    ساره:ياحليلك يارغد والله منتي بسهله مشالله انتي واختك طحتوا على اصدقاء..
    ريم:شفتي عاد الصدفه اللي ماتجي عالبال ولا عالخاطر..
    ساره: أي والله صراحه انتي واختك خطيرين..
    ريم:الله يسلمك ويسمنك..
    ساره:اكثر من كذا وش اصير..
    ريم: عادي توصلين بيتنااااهههههههههههههههههه
    ساره:هههههههههههههه الله يرجك رجا مبرحا..
    ريم:ههههههههههه ياحبيلك ياسوير..
    ساره: سوير بعينك..
    المدرسه: خير ياريم وساره وينا فيه فالينها سوالف وضحك..
    ريم: عادي ياستاذه بس والله كنت اقولها شي خطير..
    المدرسه:وش هالخطير اللي ماقدرتي تصبرين عليه لين أخلص الدرس ...
    ريم : كنت أقولها عن العراق و فلسطين وش صار معاهم مساكين والله من جد حرام
    ينرحمون ...
    ساره ميتة ضحك على كذبه صديقتها ..
    المدرسة : ولو السالفة هذي أجليها لبعد الدرس ...
    ريم : إنشا الله تحت أمرك تامريني بشي بعد ...
    المدرسه : ريم .. إجلسي قلتلك
    ريم : إنشا الله ...
    ومرت الحصص استهبال ووناسه وفله ورقص وحش <<<<<<<ما يمشون بدونه ..

    نهــــــــــــــــــــــــــــــاية الــــــــــــــــــــــبــــــــــــــــــــــــا رت

  3. #11
    خضعت لك ربي أحفظ لي أهلي الصورة الرمزية همٍس إڷرۈح
    تاريخ التسجيل
    Feb 2008
    الدولة
    بين ذكرياٍتي..<--لاتصيحين.!
    المشاركات
    6,042
    معدل تقييم المستوى
    14

    رد: احلى صدفة بحيــــــــــــــاتي ( رواية تجنننن كااااااملة )

    يسلموووو قلبووو ع القصه

  4. #12
    بنوتة اساسية الصورة الرمزية شيطونة راك
    تاريخ التسجيل
    Aug 2007
    الدولة
    الامارات _ رأس الخيمة
    العمر
    21
    المشاركات
    258
    معدل تقييم المستوى
    8

    رد: احلى صدفة بحيــــــــــــــاتي ( رواية تجنننن كااااااملة )

    ثانكس اختي ع الرواية .. بس بيكون احلى لو كنتي حاطتنها ع وورد ومدخلة الوورد في الموضوع >> بيكون اسهل لنا ولج ..
    عالعموم .. شكرا ع جهدج .. وتسلمين

  5. #13
    |طيبتي غ ــلطه | الصورة الرمزية ورد القـلــوب
    تاريخ التسجيل
    Sep 2004
    المشاركات
    653
    معدل تقييم المستوى
    10

    رد: احلى صدفة بحيــــــــــــــاتي ( رواية تجنننن كااااااملة )

    يـــله قــلبووو نستنـااااكـ
    وكل ما صـارت لي فرصــه بقراها و على طول برد عليك
    < مجربه كيف الردود على القصه تفرح ^ـ^
    يعطيج العافيه ولا ننحرم ها الطله
    اختك
    ورد القلوب ^^

  6. #14
    بنوتة ماسية
    تاريخ التسجيل
    Feb 2007
    الدولة
    .....جده غير.....
    المشاركات
    1,534
    معدل تقييم المستوى
    9

    رد: احلى صدفة بحيــــــــــــــاتي ( رواية تجنننن كااااااملة )

    مشكوووووووووورة ع الرد

    ___________________________

    الجـــــــــــــــــــــــــــــــــــزء الخــــــــــــامـــــــــــــــــــــس


    ورجعوا طلاب المدارس ... كل واحد على بيته..

    ريم: اوووووووف المدرسه قرف في قرف..
    رغد: شويه قرف ولااااا مع هالحر تقولين كاننا في قدر كاتم..
    ريم تضحك : هههههههههه حلوه هذي قدر كاتم ههههههههههههه
    رغد: ريم الحمدلله وش فيك شكل جتك ضربة شمس.
    ريم: لا بس تخيلت اشكالنا نغلي في القدر .......
    رغد: هههههههه الحمد لله على صغر عقلك .
    ريم: يا ربيه متى تجي الاجازه ونفتك..
    رغد: وانتي الصادقه .. يله ماودك تبدلين ملابسك ..
    ريم: لاودي اقعد شوي بعدين ابدل..
    رغد: براحتك.

    "طلعت رغد لغرفتها وبدلت ملابسها واخذت لها شور وبعدين انسدحت على السرير ترتاح.."
    رغد: يالله مادري ليش كل ما جابوا طاري تركي .. احس بشي غريب.. بس من جد هو ملاك ياخذ العقل ..صح انه ثقيل دم شوي.. بس جماله ما يرحم ... خليني انام عساني احلم فيه<<<<< البنت داخلة جو ..
    ريم جالسة عند التلفزيون :. يا الله ها القنوات ما فيها شي يفتح النفس .. أقوم أروح أبدل وأنام أحسن لأني تعبانه حدي ..
    طلعت ريم غرفتها وبدلت ملابسها وانسدحت وقعدت تفكرفي سليمان ...:
    يا ترى هو يفكر فيني ولا ما أهتم أصلا .. يا ترى يحبني مثل ما أنا احبه ولا مادرى عن هوى داري .. أقول عورني راسي من كثر التفكير .. وتلقينه والله مايدري عني ولا عن أم جابتني ..


    &&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&


    "نــــــــــــروح لـــــــــعـــــــنـــــــــد ســـــــــــــــلــــــــيــــــــــــمـــــــــــ ـان "

    سليمان : أووووف هالحر ما يرحم شوي ونقلب شاورما ..
    محمد : وإنت الصادق .. وخصوصا في الفصل ياخي أنكتمنا اليوم من الخياس ..
    سليمان : إيه عاد .. إنتو يا المتوسطة بزارين ..
    محمد : أبو سلوم .. أعقل عاد ترى ماني بزر عندك ..
    سليمان يبغى ينرفزه :أنا قلت إنك بزر قلت المتوسطه بزارين ..
    محمد : وأنا يعني من عيال الثانوي .. أنا من عيال المتوسطة وأفتخر ..
    سليمان : أعصابك لاينط بوجهك عرق .. أقول رح غرفتك أحسن لك ..
    محمد : يكون أحسن ..
    سليمان : حمود .. تعال تعال أبيك شوي ..
    محمد : خير ..
    سليمان : حمود إنت إخوي الصغير ورحمتك وقلت حرام أقسى عليك وتنجرح ..وتزعل وبعدين تبكي عند أمك ..
    محمد : الحين مناديني إنت وجهك .. عشان تقولي هالكلام ..لكن الشرهه
    موعليك الشرهه على اللي يفكر يقعد معاك ..
    سليمان : حمود وش فيك أمزح معاك ..
    محمد: تكفى يا خفيف الدم لاتمزح مره ثانية لأني خلاص بموت من الضحك من خفة دمك ..
    سليمان:ما عليش بعديها لك ..
    محمد : تبي شي ولا أروح .. تراني تعبان حدي ..
    سليمان : أيه أبغي .. أبي أسالك سؤال ؟!!
    محمد : أسأل ؟!!
    سليمان : تعرف مشعل ال...........اللي بثاني متوسط ..
    محمد : إيه أعرفه ليه تسأل ؟!!
    سليمان : هو مزيون .. <<<<< الولد خربها ..
    محمد : وش عليك مزيون ولا لا..
    سليمان : خلاص سحبنا السؤال ..
    محمد : الحمد الله وشكر يارب ..و هذا أخوي الكبير وتفكيره كذا.... أجل أنا
    ماينشره على بشيئ ..
    سليمان : تقلع هناك ترى من جد محد رايق لك إنت وثقالة دمك ...
    محمد : يكون أحسن ..
    سليمان : أووووف هالولد ما ينوخذ منه لا حق ولا باطل .. أقوم أبدل أحسن
    لي لأني قرفان من نفسي ...
    طلع فوق وتروش وبدل ملابسة وأنسدح <<<<<<<<الكل نفس الحركه ...
    سليمان : آآخ يا ريم خذيتي عقلي ورحتي ومسك موبايله وقعد يطالع رقمها ..
    ودى أرسل لها رساله .. رساله وحده ما تضر "أرسل لالا ..أخاف
    تزعل .. الحمد الله ليش تزعل عادي رساله ... بس بأي صفة أرسل لها ..
    ياربيه أرسل ولا ما أرسل ؟!! ... أجرب أرسل رساله وحده ..وأشوف ردة فعلها
    بس الخوف تحسبني قاعد العب معها .. والله يا ريم ماني العب وإني صادق بكل شي ..
    بس وش بيقنعها .. شكلي برسل وأتوكل على الله ...
    وأرسل لها ....
    لقيت إسمك على صوتي .
    لقيتك دايم قبالي ....
    اشوفك حلم ..واحلم بك حقيقه يانظر عيني..
    وانا واحد مشيت الدرب بديت احقق امالي...
    لقيت اغلى زماني.... وانت من الدينا تكيفيني..
    على فكره الشله فاقدتك<<<<<<على باله بيخفف شوي


    ************************************************** *****************
    نروح لعند ريــــــــــــــــــــــــــــــم <<<<الله يعين


    ريم سمعت نغمة الرسايل..
    ريم:يا الله ظهر خير.. من هذا اللي ما عنده المروق والفاضي اللي قاعد يرسل لي تلقينه عبيروه هذي حركاتها..... اخذت الموبايل وقرت الرساله .. المرسل سليمان ..
    ريم في البدايه انبسطت وبعدين صحت على عمرها ..
    هذا الحين بأي حق يرسل لي الظاهر يحسبني لعبه عنده يلعب عليها.. افا يا ريم الولد يحسبك من البنات اللي بايعين انفسهم.."وخنقتها العبره" هذي اخرت سوالفك الولد راسلك رسايل حب وغرام.. ياربيه وش هالمصيبه اللي انا فيها .. " وقعدت تصيح" والله لو يدري مشاري والله يخلي راسي بمكان وجسمي بمكان ثاني.. يا ربيه كله مني ومن حركاتي البايخه.. بروح عند رغد تطلعني من هالورطه..
    وطلعت من الغرفه وهي تبكي..
    ودقت الباب على رغد..


    رغد: يالله من هالمزعج اللي ماعنده ذوق يدق الباب الحين.. مين...
    ريم وهي تبكي: رغد افتحي الباب بسرعه..
    رغد: يمه... اختي.. "وراحت وفتحت الباب"
    ريم دخلت الغرفه على طول ضمت رغد وهي تبكي...
    رغد: يمه ريم وش فيك.. امي فيها شي.. ابوي فيه شي.. تكلمي..
    ريم: لا ما فيهم شي انا اللي فيني..
    رغد: يا عمري يا اختي وش فيك تبكين .. وش للي مكدر خاطرك قولي .. انا اختك..وحبيبتك. ريم تكلمي..
    ريم: سليمان ... يا رغد ..سليمان..
    رغد: وش فيه سليمان..؟؟
    ريم: خذي الموبايل واقري..
    رغد اخذت الموبايل وقرت الرساله.. وبعدها حبت تهدي اختها شوي..:الحين هذا اللي مزعلك..
    ريم:ايه مفتكرني من هالبنات اللي ما يخافون ربهم.. وضايعه سمعتهم بالوحل..
    رغد: ماعليك منه .. ولا تزعلين عمرك احقريه ولا تردين عليه. ولا تحسبين له حساب..
    ريم: بس هو كيف وتجرا وارسل الرساله.
    رغد: اكيد يبغى يشوف انتي من هالبنات ولا لأ...
    ريم: هين يا سليمان اوريك..
    رغد: لاتزعلين عمرك ولا تضيقين خلقك ولا تفكرين حتى بالموضوع .. طنشيه وعديها..كانه واحد ارسل رساله بالغلط.. بعد عمري انتي. والله حسافه فيه هالدموع..
    ريم هدت : رغد.. انا والله من دونك ما اقدر اعيش انتي اهلي وناسي واحبابي كلهم..
    رغد : وش دعوه الاخت لاختها.. تعالي معي .. نامي عندي اليوم..
    ريم تبوس اختها: الله لايحرمني منك..
    رغد: ولا يفرقنا عن بعض .. روحي الحين غسلي وجهك وصلي ركعتين.. واقري الاذكار.. ونامي وعيني من الله خير..
    ريم ابتسمت لاختها وراحت:"والله يا رغد لو تطلبين عيوني والله فداك مو بس عيوني ..روحي بعد.. الله لايحرمني من عطفك وحنانك.. يا احلى اخت بالدنيا"

    وبعدها نامت بحضن اختها وهي تحس بالامان بقربها وكأنها امها مو اختها...



    بعدها ريم طنشت الرساله وماعاد فكرت في سليمان تحس انها كرهته وما تطيق تسمع سيرته...

    مر الاسبوع ثقيل روتين واحد.. امس مثل اليوم مثل بكره لا جديد ولاشي مثير..
    لحد ما جاء يوم الاربعاء فرحت الطلاب كأنوه عيد بالنسبه لهم ..

    رغد: اوووووف ما بغى يجي الاربعاء احس انه هالاسبوع شهر..
    الهنوف: وانتي الصادقه وهذا واحنا غايبين يوم الاثنين وثقيل..
    رغد:ايوه وش مشروعاتكم اليوم..
    الهنوف: اكيد بيجتمعون اهلي وخلاتي وعماتي بالبيت .. ؟؟
    رغد: والله انا وريم مخططين نجمع البنات في بيتنا نقعد نشوف المباراة..
    الهنوف: اليوم فيه مباراة..؟؟
    رغد: ايه ولا بعد الهلال والنصر..
    الهنوف: الله وناااااااااسه.. بس المشكله البنات اللي بعمري ما يحبون هالسوالف وهذا اللي يقهرني..
    رغد: تعالي عندي والله راح تنبسطين فله وبنات..
    الهنوف: والله ودي .. بس امي ما راح ترضى وصعبه اجيك واترك ضيوفنا واروح..
    رغد: ايه والله صعبه وفشله بعد..
    الهنوف:خلينا منهم الحين ... بشتاقلك اليومين اللي بيجون ..
    رغد: تشتاقلك العافيه حبيبتي.. تسليمن والله..
    الهنوف: بشريني بالنتيجه..
    رغد: ابشري ان شا الله الهلال 7 والنصر صفر.
    الهنوف: عاد هذي قويه .. قولي 2-0 ايه ممكن اصدق..
    رغد: لا ابغاهم كلهم ياسر القحطاني وسامي الجابر ونواف التمياط..
    الهنوف: ومحمد الشلهوب و بعد طارق التايب وتفاريس..
    رغد: خلاص من بقيتي..
    الهنوف: هههههههه بس من جد شكل المباراة مشوقه..
    رغد: صادقه والله...

    "" وبعدها كل وحده راحت على بيتها""


    &&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&

    عــــنـــــــــــــــــــــــــد ريــــــــــــــــــــــــــــــــم


    ريم: سوير تعالي عندي اليوم.
    ساره: اولا معاك الانسه ساره مو سوير .ثانبا وش عندكم اليوم..
    ريم: والله يا انسه سوير .. عندنا جمعة بنات نشوف مباراة الهلال والنصر..
    ساره: اهااااااا. بصراحه افكر..
    ريم: اقول تعالي بلا سخافه ..
    ساره: لا معليش ريوم... ما اقدر اليوم بنطلع مزرعتنا .
    ريم: وانتوا كل ويك إند تروحون مزرعتكم غيروا شوي...
    ساره:تعرفين عاد الشياب لازم يقابلون الغنم والرعيه..
    ريم: هههههههههاي حلوه هذي الرعيه..
    ساره: ولا يهمك الاسبوع الجاي عندك.
    ريم: انا ما صدقت يجي هالاسبوع عشان استنى الاسبوع الجاي..

    "" وكملوا سوالف لحد ما صوت على كل وحده .. وكل وحده راحت على بيتها""

    &&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&


    عـــــــــــــــنــــــــــــد سليمان وتركي


    تركي : ابو سلوم اليوم وش مخططاتك..
    سليمان: والله انا اليوم معزوم..
    تركي: ومن اللي عازمك..
    سليمان: واحـد
    تركي: ادري انه واحد اجل وحده..
    سليمان: مشاري..
    تركي مصدوم: بتروح مع مشاري..!!!
    سليمان: ايه وش فيها ؟؟!!
    تركي: طيب في البيت ولابرى..
    سليمان: لافي بيتهم..
    تركي:. صدق انك اناني ليش ما تاخذني معك عسى اشوف حرمتي..
    سليمان: وانت كل شي تبي تصير معي..صدق انك نشبه.
    تركي: افااااااا وهذا وانا صديقك..
    سليمان: صديقي على عيني وراسي بس الرجال ما عزمك وش اسوي انا..
    تركي: صح. بس لازم تعرفني عليه ..ما يصلح انت تروح وانا ما اروح..
    سليمان: والله افكر..
    تركي: ابو سلوم عاد ما يحتاج لها تفكير وش عاد.. ترها بس تخليني يوم اجي معك واقابله واتعرف عليه ما هي صعبه..
    سليمان: بما انك نسيبي فا اخليك تجي معي مو مشكله بس مو اليوم.
    تركي: كفو والله ابو سلوم . كل هذا متحمله عشان خاطر رغد جعل ربي يخليها لي ..<<<الاخوان مخططين وجاهزين
    سليمان: ويخلي ريم لي<<< قاط معه
    تركي وسليمان مع بعض: امــــــين يارب العالمين...

    "" وبعدها ضحكوا ...وراح كل واحد على بيته""

    &&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&


    فــــــــــــــــــــي بيت ابومـــــــــــــــــشاري


    رغد :اتصلتي على البنات..
    ريم: ايه اتصلت على عبير وقالت اوكيه بجي انا والعنود. واتصلت على بيت عمتي وكلمت فجروقالت بتجي هي ونوف..
    رغد : اوكيه كذا حلو ... يله خلينا ننام...
    &&&&&&&&&&&&&&&&&&&&&&&&&&&&&&&&&&&&&&&&&&&
    خليني اعرفكم على عمة رغد وريم"" أم فواز""

    ام فواز: عمتهم وهي اصغر اخوانها وهي البنت الوحيده ولها نصيب من الشركه..
    ابو فوز: ولد عم ام فواز وهو اللي يدير نصيبها.
    فواز: الولد الكبير عمره (30) سنه متزوج وعنده .. ولد اسمه عبد الرحمن عمره(5) سنوات .. وبنت اسمها شهد عمرها سنتين..
    بدور: زوجة فواز وهي تقرب له من بعيد..
    طلال: عمره(23)سنه يدرس بالجامعه.. جميل بمعنى الكلمه..وهو اجمل اخوانه وخواته ما خذ الزين كله ... وغير الطول والرزه والجمال والجسم...كله على بعضه جونااااااااااااااااااااااان..
    فجر : هي اكبر البنات عمرها(17) سنه بنت حبوبه وطيوبه وبالنسبه للجمال يقولون عنها مملوحه..
    نوف: عمرها( 16)سنه بنوته دلوعه وفيها غرور شوي وتعتبر بعد طلال من الجمال..
    لين: هي اخر العنقود عمرها(13) سنه البنت المدلله وما يرد لها طلب واللي يشوفها وده ياكلها من برائتها وجمالها الطفولي..
    &&&&&&&&&&&&&&&&&&&&&&&&&&&&&&&&&&&&&&&&&&&

    الــــــــــــــــمـــــــــغــــــــــــرب


    صحو ريم ورغد من النوم..
    رغد: ريومه تعالي دوري لي لبس البسه..
    ريم: البسي أي شي..
    رغد: شنو أي شي.
    ريم: اممممممممم البسي سبورت..
    رغد: سبورت .... حلووووووو .. مشكوره يا حلى اخت..
    ريم: ماله داعي الشكر...


    لبست رغد برمودا جينز وبلوزه سماوي كت مكتوب علها باللون الازرق<<<لزوم التشجيع
    وحطت شريطه سماوي لى شعرها وسندل ازرق وطلعت ولا احلى...

    ريم لبست برمودا جينز فيها رسومات بالفوشي... وبلوزه فوشيا ربط على الرقبه.. وتقريبا نص الظهر طالع وعليه رسومات رالفضي.. ولبست سندل ربط وسوت شعرها كيرلي.. وطلعت مرره كيوت..

    ونزلو جهزوا الاغراض .. من الاكل والتسالي وتجهيز الصاله<<< عشان التشجيع والصراخ

    وصلوا البنات.. وفتحت الباب رغد وجنبها ريم..
    رغد : هلا والله بنات عمي..
    عبير: هلا فيك يا قلبي..
    العنود تغني: يا هلا بالمقبلين<<<<<الاخت تشتغل طقاقه..
    رغد:ههههههههههه الله يرجك تفضلي..
    عبير: رويم متى ان شا الله المباراة..
    ريم: استحي على وجهك سلمي بالاول بعدين اسألي. . وبعدين اسمي رورو.. بعدها سكتت تذكرت سليمان..
    رغد لاحظتها وقامت تضيع السالفه: اقول بنات من تتوقعون يفوز .؟؟
    العنود: اكيد ما يبيلها النصر اكيد..
    رغد: وووووووووووووووع الله يلوع كبدك ... ان شا الله الهلال..
    العنود: مالت عليك انتي ..
    ريم: اقول لا زعيم الا الزعيم
    عبير: ايوه لا زعيم الا الزعيم..
    ريم: عاشت بنت عمي..

    وبعدها وصلو بنات عمتهم ام فواز..
    فجر: يا اهل البيت وينكم؟!!
    رغد: هلا والله باللي حظر..
    فجر: تسلمين يا عمري..
    رغد: الا وين خواتك...
    نوف: هذا احنا جايين لا تخافين ما نفوت المباراة والفله..
    رغد: حياك البيت بيتك..وين ليونه..
    لين: هااااااااي
    رغد: هلا والله بالدلوعه . ترى مشعل يستناك..
    لين استحت: صدق...!!
    رغد: ايه صدق..
    ريم:هههههههههه ما بقى الا البزارين يحبون..
    عبير: وانتي الصادقه..
    فجر: احنا الكبار ما حبينا .. وهالبزارين والمراهقين حب وغراميات..
    لين: لا تتطنزون علي تراني فا همتكم..
    دخل مشعل..
    لين صار وجهها احمر: أهلين مشعل ..
    مشعل : أهلين لين ... كيفك ...
    فجر : مشاء الله ساحب علينا ...مشيعل مالنا سلام ..
    مشعل انتبه : الا.. وسلم عليهم ...
    لين : شعولي تعال نلعب بلاستيشن ...
    مشعل : يله مشينا ...
    الكل يطالعهم ... وبعدها انفجروا ضحك....
    رغد : بزارين آخر زمن ...
    عبير : إلامراهقين آخر زمن ....
    ريم : بصراحه أخوي ما ينلام ...ليونه تهبل اسم الله عليها ودي أقوم أكلها ...
    فجر : حتى أخوك بسم الله عليه آيه من الجمال ... وأختي ما تنلام ...
    نوف : ايه ايه ماتنلام ...
    رغد : أكيد يشبه لي ...
    العنود : وش جاب القمر للشمس ...
    رغد عصبت : من كلمك إنتي ؟!!!..

    وبعدها سمعوا صوت المعلق المبارة يتكلم :أهلا وسهلا أعزائي المشاهدين ... اليوم راح نشوف مباراة مشوقة بين فريقين قوووين الهلال زعيم آسيا والنصر العالمي ...
    رغد: بنات بدأت المبارات ...
    عبير : هلال ... هلال ...... هووووه .......هوووووووه...
    فجر : هلاليات .... وووووووع .....
    العنود : وأخيرا لقيت أحد بصفي ...
    ريم : عبيروه تصارخين ترى تونا ما بعد بدوااااا ...
    عبير : لا عشان أحمسك ...
    ريم : يا حليلك يا بنت عمي والله إنك خبله ...
    عبير تصارخ بعناد : هلال هلال .... هوه ..... هوه .... ياسر ....... ياسر ....... هوه هوه .....
    ريم : رغد بروح أجيب البوب كورن والببسي والشيبسات ...
    رغد : أوكيه وتعالي بسرعة عشان مايفوتك شي ....
    عبير تصارخ : يــــــــــــــــــــــاســـــــــر ... يهبل يهبل يا ناس ...
    العنود : وجع فقعتي طبلة أذني ...
    فجر : من زينه عاد .... سعد الحارثي أحلى ...
    العنود : سعد آآه ياسعد يهبل ...
    رغد وعبير : صدق ما عندكم ذووووووووق ......
    وضحكوا مع بعض ... هههههههههههههههههه .....
    وبعدها جابوا صورة سعد الحارثي ....
    قامت العنود تصارخ : سعودي ....سعودي ... أحبك والله أحبك ....
    فجر: هيه انتي اغار ههههههههههههههههه
    وبدت المباراة والبنات انقسموا فريقين:
    فريق مشجعات الهلال وفريق مشجعات النصر
    مشجعات الهلال:رغد- ريم- عبير..
    مشجعات النصر: العنود-فجر
    ونوف عنصريه اللي يفوز تكون معه...
    والبنات صراخ وصياح وتشجيع وطقاق على خفيف...

    &&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&

    فــــــــــــــــي مـجـلـــــــــــــــس الرجــــــــــــــــــــــال


    كان فيه سليمان ومشاري.. قاعدين يسولفون . وفجأه سمعوا صراخ..
    مشاري: خير انا شا الله وش فيهم؟؟!!!
    سليمان: رح لايكون صاير فيهم شي..
    راح مشاري عند باب الصاله ودق الباب ..محد فتح..ولافي امل يسمعونه .. قام يخبط الباب بقووه..
    ونوف: رغد شكله في احد يدق الباب..
    رغد: لا شكلك تتوهمين.. البيت ما فيه احد..
    نوف: يمكن..
    وبعدها سمعوا صوت دق جااااااامد
    نوف: والله الباب يندق..
    رغد: بروح اتأكد
    راحت رغد وكانت بتفتح الباب وبعدين خافت.. وبعدها رجعت: لااا يمه خايفه يكون حرامي..
    راحت للبنات..
    رغد: بنات اسمعوني شوي..
    الكل لف عليها..: خير..
    رغد: تعالوا معي خايفه في احد يدق الباب.
    عبير: يمكن اخوك مشاري!!!؟؟
    رغد: لا البيت ما فيه احد
    البنات بدا الخوف يتسلل لقلوبهم.. قاموا كلهم .. وكل وحده خذت معها شي.. اللي خذت قوطي بيبسي.. ولا اللي خذت ملعقه.. ولا اللي خذت اباجوره..<<<< دلع بنات..
    ووقفوا عند الباب .. ورغد فتحت الباب بشويش .. وتو البنات بشنون الهجوم.. الا مشاري يطالعهم ومطير عيونه...
    مشاري: هيه .. هيه. لحظه لحظه انا مشاري..
    البنات طاحت وجيهم من الفشيله...ولا بعد مسوين انفسهم اقويا.. وبعدها راحوا وهم يضحكون على اشكالهم. وما بقى الا رغد..
    رغد: خير.. نعم.. خوفتنا على الفاضي.
    مشاري: والله انتو اللي خوفتوني.. انتم واشكالم.. كل وحده مطيره عيونها.. وحوش مو بنات..لو انه حرامي كان اعتزل السرق من زماااااااااان..
    رغد: طيب اخلص خير وش تبغى..
    مشاري: والله كنت خايف عليكم.. بس ما شا الله عليكم تخوفون بلد..وما ينخاف عليكم..
    رغد: قول لا اله الا الله .. بسم الله علينا.
    مشاري: اسمعيني عاد.. قصروا اصواتكم.. صراخكم واصل الشارع اللي ورانا..
    رغد: ان شا الله طلابات ثانيه استاذ مشاري..
    مشاري: سلامتك.. بس سلمي لي على الصعايده اللي معك.
    رغد:يوصل..

    وراح مشاري عند سليمان..
    سليمان: خير عسى ما فيهم شي..<<<<< خايف على ريم..
    مشاري: لا الحمد لله والشكر يتابعون مباراة ومتحمسين..
    سليمان .. تخيل ريم وهبالها: ههههههههههه يا حليلهم..
    مشاري قعد يطالعه شوي .... وبعدين كملوا سواليفهم....

    ؟************************************************* ************
    عند الــــــــــــــــــبنـــــــــــات


    عبير: والله كرت والله كرت..
    رغد: وشوكرت.. اسمه اوت موكرت..
    عبير: اللي هو بس مفروض الكوره معنا ..
    العنود: حره.. حره.. حره.. موتي قهر
    عبير: اهم شي الفوز...
    العنود: ايه نشوف..
    وبعد دقايق سجل ياسر القحطاني الهدف الاول..
    ريم ورغد وعبيرونوف:هـــــــــــــــــــــــــــــــــــــــ ـــــــــــــــــــــــيه..هيـــــــــــــــــــــ ــــــــــــــــــــــــــــــــه ياسر ياسر.. ياسر ياسر ..
    عبير: اموت عليه يا ناس يا فنان يا شاطر يا قناص..
    ريم تبوس التلفزيون : احبك والله احبك..
    رغد تنطط: ويلوموني فيك ويلوموني في القناص.. وقاموا يحضنون بعض فرحانين..
    العنود: عادي نجيب التعادل..
    فجر: الحين بتشوفون سعد وش بيسوي..؟؟
    عبير : اقول لقطوا وجيهكم بس..<<<<<حشى عيال مو بنات..
    ريم تبي تقهرهم:يا حبيبي يا ياسر والله يجنن مو مثل بعض الناس ...
    رغد: صانع الاهداف ياسر اكيد ما يضيع فرص مثل اللي عند غيرنا..
    العنود وفجر موصله معاهم.....
    وبعد دقايق سجل سعد الحارثي الهدف..
    العنود: شفتوا قلت لكم سعود ما يضيعها..
    فجر: سعودي حبيب قلبي..
    نوف: والله جابها..نصر.. نصر.نصر..
    لفوا عليها ريم ورغد وعبير
    رغد: هيه انتي نويف مو انتي هلاليه...
    نوف: انا لا من قال .. انا عنصر محايد اللي يسجل افرح معاه عشان ما يضيق صدري<<ياي على الدلع..
    عبير: لا يالذكيه. خليك مثلي مخلصه..
    نوف: مسويه فيها..
    وكل وحده صارت تحر الثانيه لحد ما خلص الشوط الاول بالتعادل.
    رغد: احمدو ربكم رحمناكم وتعادلتوا مع الزعيم.
    العنود: الا ما قدرتوا تسجلون قلتوا رحمناكم .. اصلا احنا اللي رحمناكم.. وخفنا على مشاعركم عشانكم الزعيم..حرام تنصدمون بفريقكم .. قلنا نخليها للشوط الثاني..
    فجر: صادقه بنت خالي.
    ريم: اقول بنات خلينا نرجع بنات عم حبوبات لما يبدأ الشوط الثاني..
    رغد: يكون احسن..
    البنات ايدو الفكره ورجعوا لجوهم الطبيعي. قهوه وحلا .و قهوه رايحه وقهوه جايه مع البيبسي والعصير كل شي عندهم عادي. وقعدوايسولفون .. لحد ما بدى الشوط الثاني.. وفي منتصف الشوط الثاني. سجل طارق التايب هدف..
    رغد وريم وعبير ونوف: هـــــــــــــــــــــــــــــــــــــــــــــــــ ـــــــــــــــــــــــــــــــــــــيه
    هلاليه ودقوا لي تحيه..
    رغد: اعشقك يا هلال ..
    ريم: امووت عليك يا طارق..
    عبير: يهبل يا ناس مبدع والله فنان..
    نوف: هلاليه وافتخر..
    لفوا عليها فجر والعنود..
    فجر: انتي يا المنافقه اثبتي على شي..
    العنود: صيري نصراويه ما تخسرين..
    نوف: والله الحين هلاليه يمكن بعد دقايق اصير نصراويه عادي ما عندي مشاكل اهم شي مع الفريق الفايز...
    واتنهت المباراة بفوز الهلال 2-1 ""مبروك للهلال""
    العنود: اووف وش ضيقة الصدر هذي.
    فجر: ودي ارجع البيت واقعد ابكي..
    رغد ارحمتهم: اقول بنات خلونا نفلها وننسى المباراة ..
    ريم: خلونا نغير جو..
    عبير: صادقه والله ..
    العنود: رغد و لا ريم قولو لاخوكم يطلعنا بمناسبة الفوز..
    ريم: صادقه خليني اقوله يمكن يوافق . ادعوا لي.
    رغد: انشبي في حلقه لحد ما يوافق..
    ريم: ابشري ما راح اطلع لما يوافق..
    عبير: وين السايق..
    رغد: مع امي..


    &&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
    عنــــــــــــــــــــــــــــــــد الرجـــــــــــــــــــــــــــــال


    مشاري: ابو سلوم عن اذنك بروح اجيب الشاي ..خذ راحتك ترى البيت بيتك..
    سليمان: اذنك معك..
    مشاري: اكيد اذني معي.. معلقه في راسي..خخخخخخخخخخ
    سليمان: ههههههههههههههههاي حلوه بس لا تعيدها..
    مشاري: يله انا رايح..
    سيلمان: تفضل..

    بعد ثواني دخلت ريم المجلس وكان معها موبايلها.. كانت تمشي وهي ترسل لساره رساله تبشرها بفوز الهلال .. سليمان يطالع اللي داخله وكانت لاهيه موبايلها وما نتبهت له..
    وصار يطالعها عدل بيغى يتأكد هي ريم ولا اختها رغد.. سليمان ارتفعت حرارته ودقات قلبه يسمعها اللي برى البيت.. لانها مرره حلوه..
    ريم ما زالت تنا ظر موبايلها وما ناظرت اللي قدامها..وصلت حوالي نصف المجلس: مشاري ترى البنات يبون يطلعون يتمشون شوي بمناسبة فوزالهــــــــــــــــــــــــــــــ...........
    رفعت راسها وطالعت اللي قدامها وما صدقت عيونها ... سليمان .. سليمان في بيتهم وش جابه ارتفعت حرارتها تحس انه بيغمى عليها وقعدت تطالعه تشوف عيونه تحس انو فيهم كلام حاولت تبعد عيونها عن عيونه بس ما قدرت.. سليمان كان يطالعها ووده يقول لها اني مشتاق لك حيل صار لي اسبوع ماشفتك حتى رساله ما ارسلتي.. وكأن ريم قرت افكاره وتقول في نفسها" لو انك يا سليمان ما ارسلت الرساله . ليش طحت من عيني ليش.. كان ودها تبكي.. تصرخ.. تضربه.. بس ما قدرت .. وقطع تفكيرها صوت سليمان..
    سليمان: ريم كيفك..؟؟؟!!
    ريم في نفسها " كيف عرف اسمي .. وما قدرت ترد لسانها ما قدر يجمع كلمتين على بعض. وعيونها كانت غرقانه دموع .. استوعبت انو لو دخل مشاري والله بيذبحها لفت بسرعه وطلعت وقبل لاتوصل الباب لفت على سليمان وكان في عيونها نظرات عتاب.. سليمان.. فهم نظرتها بس ما عرف ليش العتاب وش سوى ما درى انه برسالته عذب ضمير ريم ولا خلاها تعرف النوم ولا الراحه من التفكير وطلعت..
    سليمان:ليش يا ريم رحتي ولا رديتي علي ولا تكلمتي كنت مشتاق لصوتك ولدلعك ولهمسك ولضحكتك ليش تحرميني منهم. وبعد لحظات دخل مشاري عليه وقعد يسولوف بس سليمان ما كان باله معاه ابدا كان مع ريم.. ريم وبس..

    &&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
    ريم طلعت من المجلس وعيونها مليانه دموع وتحاول انها ما تبكي ولا تنزل منها دمعه. بس ما اقدرت تمنع دموعها .. نزلت دمعتين فيهم جرح والم ومسحتهم بسرعه .. جت لعندها رغد...

    رغد : ريم بشري وش قال مشاري؟
    ريم طالعت رغد وما تكلمت...
    رغد: ريوم وش فيك وش قالك مشاري؟؟؟؟!!!!
    ريم: لامو مشاري.............سليمان..
    رغد بصدمه: سليمان...
    ريم: ايه..
    رغد: وش جابه للبيت..
    ريم: ما ادري .. مادري عن شي...
    رغد عرفت ان اختها منهاره من داخل: خلاص.. خلاص هدي انتي الحين بعدين اعرف السالفه.. واقولك سالفه.. نسيت اقولها لك بس الحين خلينا نروح للبنات وبعدين نتفاهم..
    ريم: ابطلع فوق شوي وأنزل..
    رغد: اوكـــي


    رغد راحت للبنات وقالت لهم ان مشاري عنده ضيوف.. كملو البنات السهره...

    وبعدها كل وحده راحت على بيتا.......


    نــــــــــــــــــــهــــــــــــــــــــــــــــ ــايـــة الـــــــــــــــبــــــــــــــــــــــــــارت

  7. #15
    بنوتة فضية الصورة الرمزية | § | Κόρη νευρολογικέ
    تاريخ التسجيل
    Feb 2008
    الدولة
    فـي الـسـع ــوديــهـ ..
    العمر
    19
    المشاركات
    740
    معدل تقييم المستوى
    7

    رد: احلى صدفة بحيــــــــــــــاتي ( رواية تجنننن كااااااملة )

    طيب كملي ..

    سلاااااام

  8. #16
    بنوتة فضية الصورة الرمزية هدوله
    تاريخ التسجيل
    Jun 2005
    الدولة
    السعوديه بلدي الحبيب
    المشاركات
    619
    معدل تقييم المستوى
    10

    رد: احلى صدفة بحيــــــــــــــاتي ( رواية تجنننن كااااااملة )

    الله يسعدك كملي تراني تحمست

صفحة 2 من 27 الأولىالأولى 123412 ... الأخيرةالأخيرة

المواضيع المتشابهه

  1. غارقات في دوامة الحب
    بواسطة هذاك الي أخذ عقلي أمو بلمة ذراعة في المنتدى ألف ليلة وليلة
    مشاركات: 119
    آخر مشاركة: 02-17-2010, 01:13 AM
  2. يارب تخليه لعنين ترجيه
    بواسطة ام علك في المنتدى ألف ليلة وليلة
    مشاركات: 186
    آخر مشاركة: 04-14-2009, 01:14 AM
  3. مشاركات: 237
    آخر مشاركة: 10-01-2008, 08:02 PM
  4. لأني خادمه قصه رائعه ...........انصحكم بالدخول صدقوني راح تدعولي
    بواسطة غيوم المشاعر في المنتدى ألف ليلة وليلة
    مشاركات: 156
    آخر مشاركة: 09-23-2008, 04:10 PM
  5. قمر خالد
    بواسطة الشوق في المنتدى ألف ليلة وليلة
    مشاركات: 8
    آخر مشاركة: 08-02-2008, 11:16 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
محول الصوتيات برنامج داون لود مانجر 2013 تحميل برنامج تحميل من اليوتيوب برنامج مشغل الفلاش خلطات صبغات الشعر احدث صبغات الشعر العناية بالشعر