---

قآل ايش قآل حرية شخصية .. وانا اقول اهاا بس !

.

السلام عليكم ..

قبل كم من يوم واثناء التجول بشارع التحلية (والي يعتبر منبر لمثل هالأشكال الي بكلمكم عنها) ..
شوي والا نشوف تجمع لشباب بأشكال غريبه عجيبة
كشش فوق روسهم بشكل غبي جداً جداً ..
تعرفون الأشكال السخيفه الي تبي تلفت الانتباه بأي طريقة ..
و الأغاني ترنع بصوووت عاااالي و يرقصون
كملت كملت يرقصون بعد
اشكال غبيييه فمممه في التخلف
ابوي شافهم وقال بتحسر : "الله يرحم ايام "فلان الفلاني" وهو كان من الهيئة ,
على كلام ابوي يقول انه كان اذا شاف مثل هالأشكال يمسك المقص ويقص نص من كل جهه من شعره عشان يتوهق ويروح يقصه غصب
يقول ما كنا نشوف مثل هالأشكال لأنهم يهابونه ويخافون منه بشكل رهيب !
بعدها من بكرا .. قلت لصديقاتي عن هالموضوع وان الهيئة المفروض ترجع تمسك الأمور من جديد وتحلق شعورهم وجع
و انصدمت ان فيه من عارض هالشي باسم حرية شخصية , حتى سماع الأغاني بصوت عالي حرية شخصية ...
مدري كيف صارت حرية شخصية مثل هالأمور ..
تبي تاكل بيج ماك بسيارتك هذي حرية شخصية
تبي تكلم بسيارتك برضو حرية شخصية
بس بهالشكل ..
هل هو حرية شخصية ما ينبغي لأي احد يتدخل فيها ؟
سؤال يطرح نفسه منذ زمن ..
وينتظر جواب كافي وافي ..

المايك لكم

.

 

---

مشكوره غاليتي على طرحك لهذا الموضوع

أنا عن نفسي أقول الحرية الشخصيه تكون في

حدود المعقول أنا أدري الأغاني حرام و التشبه

بالغرب حرام بس هم بكيفهم يبغى يسمع أغاني

يا خي لاتزعج الناس اللي حولك

مادم إحنا نصحنا وحاولنا نغير بس مافيه فايده

وش نسوي نمسكهم من أذنيهم ونقول يا بابا هذا عيب أو حرام

تحياتي :

هــــــدولــــــــه

 

---

لول ورد
منورة يا دب وينك عنًّا

~

بصراحة هـ الشيء مو غريب ابد
تشوفين الكشش المسطحة بروسهم و البناطيل Low . Weast [طيحيني]
بصراحة قلَّة أدب >< أشلون يسمحون لهم اهلهم !! ~
وربي آبوكِ اللي بيسويه شيء صح 100% وانا اؤيده واشجعه

واي انا اؤيد الحرية الشخصية لكن ... بـ ح ـدود < طيري واللي يرحم والديك

يعني سماع الأغاني بصوت عالي ... لا ما فيه شيء اسمه حرية شخصية ><" اشلون ؟؟
اصلاً عيب انك تزعج اللي حولك بالـMUSIC العالية ، حتى انا ما افهم الاغاني بصوت عالي

مشكورة ورد

 

---

..
جينآ للموآضيع الي يبيلها جلسه ~

لاسد الله لك فمآ رغوووده //

بصرآحه هالموضوع مفروض له نقآش من زمان جدي>>علمي نفسك !!


نفسي ونفس نفس نفسي إن لما اتمشى بشوارعنا الكريمه بالريآض الموقره
أني كل ماشفت كشه أمعطها وعلى أقرب زبآله //

يآختى والله قرف وربي قرف
أنتي عارفه على كلام وآحده أعرفهاااا.أنو مايتروشون إلا بالسنه حسنه ،
مالهم حيل يخربون التسريحه ويعيدونها // وووووع


والأغاني حكآيه ثانيه خآآآلص..تصدقين يوم إن بالإشآآرآآآ أقول لأبوي

: ليه مافي احد يردعهم ، ليه مايكون عند كل شرطي مرور الحق في إنه يوقفهم ويكتم لهم المسجل كتمه مابعدها تشغيل ..


أصلا الأغاني حرآآآم وربي حرآآآم..

وترآه موب سهل تتريكينها بس موب صعب أبد..

>>لي عوده إن شاء الله مع موضوع عنها مستقل..


...................

تعرفين ايش قال:

إذا الشارع سمح لهم و لا احد يتكلم وش تبني أسوي انا لوحدي !!

ومنجد


لا هيئه ولا شرطة ولا رجآل مطآوعه ولا شيوخ

الله المستعان بس

.........................

لكن لكل مشكله حل..

بيدينا حنا مثلا

أخوآت هالفئه

إنا ننصحهم دآيما


واهم شيء توضحين حظرتك إن ضدهم

موب : يآزينه هو وكشته //


..............................



للنقآش بقية رغوده // بس خلي البنات يتلحلوا


BrB

 

---

:




ورد يـآ دوبيـه وينكـ منذ مبطـي ؟!
لكـ وحشـه واللاهـي .. ~

بالنسبـه للموضـوع

كـح كـح ..

اي والله المفروض اول مانلقى
واحدهـ كشته اكبر من خشته نمعطها معطن موب صـآحي

<~ داخلـه هـوشه من أولهـآ

صـرآحـه سخـآفـه

حـركـآت النص كومـ و الحبتين هـذي ..

<<

يمشـي بوسـط الشـآرع وسيارتـه الجديدهـ بورش آخـر موديل
و الجـوال اخر موديل من الجيل الثالث ومن نوكيـآ بعد و اتحدى اذا كـان
فيه رصيد و البلووزهـ الورديـه اللي مقـآسي آخـر موديل

<~ أكشخ يـآ أخر موديل انتـي

فقط .. للكشخـه ع قولتهمـ

مـآ عـآد فيـه شـي للفـآيدهـ
صـآر كل شـي للزينـه عندهمـ

و الاغـآني .. الله الله

أمـآ الحريـه الشخصيـه هـذي ..

تكـوون بحدود .. توهـ شاري البومـ حق مدري منوو
و بيورينـآ انه أول واحد شآريه ..
طبعا محد بيصدق .. لآزمـ يفتح الدرايش و يطوول ع آخر شي ..

:

:

../

و شسمه ..
بـس جـف حلقـي <~ كف كفين و ثلآث

و لآعـآد تقطعينـآ دلبـووو ..[ ..









:

 

---

..


هـــــــــــــاي بنات


صراحة الموضوع مره حلو ..

بصراحة انا من رأيي ..
أنو الكشش هذي ما فيها اي مشكله مادامها ع الموضه و انو اكشن و حركات .. بالعكس مررررررررررره تعجبني .. تعجبني تعجبني من قلب ...

و بيني و بينكم انا شعري قصير و اسوي فيه كشه كذا ..
ياااي مره حلو .. *.^ <<< أقول بس لا يكثر

بس كمان بحدود ... يعني لما اشوف كشة كذا مرررره كبيره انو شكلها غلط اصلا ع إللي مربيها .. من جد هذا شي يقرف

هذا الشي خلصنا منو ..


بنسبة للأغاني ... امممم هذي سالفتها سالفه ..
شوفوا إذا كان من باب الفله و الوناسه في وقت مناسبة
مثل فوز المنتخب أو في اليوم الوطني إلخ ...
مو مشكله أنا عن نفسي راح أهظمها .. انو مو مشكله يبغون ينبسطون وكذا .. بس انو من الباب لطاقة ازعاج لفت للنتباه و مسوين زحمه و الشارع فاضي .. صراحة معليش ما يعجبني ..


شوفوا يمكن تكون فيها نوع من الحريه الشخصيه بس ما تصول لازعاج الناس و مظايقتهم .. ع حساب حريتهم الشخصيه



و بس هذا كل إللي عندي

و مررره شكرا ورد ع الموضوع الحلو


^.^

..

 

---

 

---

ياهلا والله بهدوله ..

كلامك معقول .. جداً واقعي
بس برضك حنا في بلاد اسلام و التشبه بالنساء وحركات النص كم و ازعاج العالم هذا شي مهوب طبيعي
و ما يتجاهله الواحد و يعتبير انهم كبار وحنا نصحناهم ما سمعوا
خلاص ما باليد حيله ..
وهنا مربط الفرس , وهو اهمية تواجد وقوة الهيئة من جديد
وهذا كان تساؤلي هل تؤيدين او لا ..
احترم رايك اكيد :") ..