ولــد خـــآالي

ليش نزلتي عيونج ؟؟ ارفعيها وطالعيني
ولا يعني انحرجتي يوم جاوبتي سؤالي ؟
ليش قلتي لي احبك ؟؟ ليش كنتي تخدعيني ؟
ليش قلتي لي حبيبي ؟؟ ليش قلتي لي غالي ؟

كان ممكن ما احبج كان ممكن تتركيني
كان ممكن من البدايه تخدعي غيري بدالي

ليش انابالذات يعني ؟؟ ليش قولي جاوبيني؟؟
بعد غدرج خبريني وقولي بس شــ اللي بقالي

والله اني ماجرحتج ليش انتي تجرحيني؟
هنت على قلبج حسافه وانقضت اجمل ليالي

القهر للحين احبج وادري انج ماتبيني
والمحبه من طرف واحد نهايتها زوالي
كان عمري في يدينج قولي وش كان بيديني
اذكر انه من غلاتج كان قدرج فوق عالي

كنت اتجاهل واطنش يوم نغزاتج تجيني
وكنت اقول الحب اكبر من تصرف لامثالي

ابغي من وقتج دقيقه بس انك تمنحيني
بس ابا اقولك ثلاث اشياء واروح وامشي لحالي

اولا فعلآ احبج وكنتي في قلبي وعيني
وكانت الدنيا بوجودك شي روعه شي خيالي

وثانيأ على اللي بدر مني دخيلك سامحيني
يمكن انه زل لساني وقلت انك راس مالي

ثالثأ اسألك بالله واطلبك لاتذكريني
احرقي كل القصايد وانسي اشواقي ووصالي
المهم اني ابا ابعد وانتي روحي واتركيني
ارجعي له ومثلي له دور البريئه اللي تبالي

وفي النهايه قبل ما انسى بقولك كلمتيني
كان هذا اللي تحبينه محمد ولد خالي
------------منقــووول------------------------