الجزء الثالث
^_^_^_^_^_^_^_^_^_^
بيت بو عبدالرحمن
زينه : اوووف زهقت من الدراسه .. متى أتخرج وأفتك اه بس
هيا ( أم عبدالرحمن ): يا الله بس بقت بكره اخر يوم لكم وتـأجزون .. الله يوفقكم
زينه : إي والله الله يوفقنا.. خاصه ريما و بشاير هم في ثالث ثانوي و هذي السنه راح تحدد مصيرهم .. ولازم يجيبون نسبة عاليه علشان يدخلون الجامعه ..
هيا ( أم عبدالرحمن): إي والله .. أدعي لهم دائما إن الله يوفقهم
زينه (بمكر) : ليه تدعين لهم ؟
هيا( أم عبدالرحمن): بعد ليه أدعي لهم علشان الله يوفقهم وهم مثل بناتي
زينه : علينا .. علينا يا أم عبدالرحمن أكيد حاطه عينك على وحده منهم تبغين تخطبينها له .. قولي ترى عاادي
هيا ( أم عبدالرحمن) : أقوول
زينه : سمي
هيا ( أم عبدالرحمن): الغلطان اللي يجلس معك .. والله ما عندك سالفه ..
وقامت
زينه ميته من الضحك
^_^_^_^_^_^_^_^_^_^
آخر يــــوم في المدرسة
بشاير : ياربي أنا خايفه .. أحس إني مو مقدمه زين في الإختبار ...
منيره : خلاص حنا ذاكرنا و خلنا نتوكل على الله
ريما: بشور .. فهميني هذي المسأله
وقامت بشاير تفهم ريما
ريما: مشكوره
بشاير : العفوا يا الغاليه
- رن الجرس ( بداية الإختبار )
^_^_^_^_^_^_^_^_^_^
جامعة الأولاد
مشاري: حمووود بسك مذاكره
محمد يكمل ولا كأن مشاري يكلمه
مشاري: اوووهووو .. بدا شغل العباقره
محمد : الحين إنت ليه ما تذاكر ؟
مشاري: الله يخلي لنا البيت ذاكرت فيه
محمد : لا لا إحلف عااد .. أكيد كلنا ذاكرنا في البيت .. بس راجع على الأقل تتذكر المعلومات
ورجع محمد يذاكر .. ومشاري جالس ينتظره لما رن الجرس ( بداية الإختبار )
^_^_^_^_^_^_^_^_^_^
مدرســـة البنـــات
بعد نهاية الإختبار
منيره : بشاير وش كتبتي في أول سؤال فقره (( د ))
بشاير : كتبت [(2×5) + (6×3)]= 10+18= 28
منيره : يووو غلطت
وقامت منيره تبكي
بشاير (ضمت منيره) : عاادي يا منور بس إنتي غلطتي في هذي وأستاذة الرياضيات تحبك و إن شاء الله ما تحسبها لك ولا تنسين هم قالوا لنا إن في سؤال إضافي وإنتي الحمدلله ما غلطتي الا في هذي الفقره ..ما أحب أشوف دمووعك يا الغاليه إمسحيها
منيره (وهي تمسح دموعها ) : الله يسمع منك يا أغلى نــاسي
بشاير: وسعي صدرك ترى اليوم آخر يوم .. والدنيا ما تستاهل دمووعك يا الغلا .. دمووعك اغلى من الدنيا ومافيها..
^_^_^_^_^_^_^_^_^_^
جامعــة الأولاد
مشاري: محمد ممكن تروح تجيب البنات بعد ربع ساعة ..
محمد : إيوا عادي بس أي بنات اللي في المدرسة ولا اللي في الجامعه ؟
مشاري : تسلم والله ..لا اللي في المدرسه لأن أنا عندي كلاس ولا كان ما كلفت عليك
محمد ( متشقق ): الله يسلمك .. وش دعوووه حنا أكثر من خوان .. شنو تكلف علي وما أكلف عليك!! ومدري شنو بعد
مشاري : هههههه لا تصدق بس مجامله ههههههه أخاف تغير رايك
محمد : وأنا أقووول وش في الولد نازل عليه أدب هههههه أثر كل هذا علشان ما أغير رايي .. يلا مو مشكله مقبوله منك
^_^_^_^_^_^_^_^_^_^
رزان: مساعد من زمان ما شفت أهلي خلنا نروح لهم اليوم
مساعد: أنا مشغول
رزان: طيب خلاص بخلي السايق يوديني
مساعد ( عصب): ما عندنا بنات يروحون مع السايق بروحهم
رزان: طيب أنا اشتقت لأهلي
مساعد: خلاص بكره أوديك لهم
^_^_^_^_^_^_^_^_^_^
ركب محمد سيارته الرانج روفر .. وحط النظارة الشمسية ماركت شنل .. وطالع شكله كيوووت مررره وراح المدرسة يجيب البنات.. ( ريما و بشاير )
^_^_^_^_^_^_^_^_^_^
ميس: بشاير .. ريما
بشاير و ريما : هــلا..!
ميس : في واحد آآآه يجنن .. جاي يأخذكم .. مررره كيووت
بشاير : واحد يجنن ! وجاي يا خذنا !!
ريما : اللي دائمــا يجي ياخذنا ؟
ميس: لا مو ذاك الجذاب والحلو .. هذا واحد ثاني .. هذا عيووونه آآه عذاااب .. وسيارته رانج روفر
ريما : ايوا عرفته
بشاير: من هو ؟
ريما : ولد عمي محمد
بشاير : ليه جاي يا خذنا إن شاء الله .. ووين مشاري ليه ما جا ؟
ريما : بسم الله الرحمن الرحيم وأنا وش دراني .. يمكن عنده كلاس .. أقول يلا بسرعه لا نتأخر عليه
^_^_^_^_^_^_^_^_^_^
خالد ( ابو مساعد ) : شوفي يا سارا .. يوم الأثنين بنروح البر بمناسبة عطلة العيال ..
سارا ( أم مساعد ) : والله ما تقصر يا بو مساعد .. كلك خير وبركه ..
خالد ( ابو مساعد ): واخبار مساعد ما اتصل عليك ؟
أم مساعد : على طاري مساعد .. الا اليوم اتصل علي وقال انه بيجي بكره
بو مساعد : قولي له يستعد علشان البر
ام مساعد : ان شاء الله
^_^_^_^_^_^_^_^_^_^
مدرسه البنـــات
بشاير قامت تودع صديقتها واختها وحبيبة قلبها منيره وعطوا بعض الهدايا علشان يتذكرون بعض فيهم
( بس في الفتره الأخيره من الدراسة كانت بشاير و منيره مو مره مع بعض بسبب هوشه صارت بينهم .. وفي بنت كانت تبغى تفرق بينهم .. وخلتهم بعيدين عن بعض مو مثل اول .. وهم يبغون يرجعون مع بعض مثل اول بس كل وحده تكابر ..)
طلعت ريمــا و بشاير من المدرسه
بشاير: ريمو .. ما أبغى أركب .. خايفه
ريما: ليه طيب ؟ .. مسكين هو ما سوى لك شي؟
بشاير: نظراته لي تخوف .. كنه ناوي على شي
ريما: يعني مثلا بياكلك ؟ .. أقول إمشي بس إمشي أنا معك
راحت ريما وبشاير لمحمد
محمد: هــلا.. هـــلا..بـ بنات عمي
ريما: هلا فيك زود
محمد: ها وش سويتوا في الإختبار؟
ريما: والله الحمدلله تمام
محمد: بشاير .. ما سمعنا صوتك .. وش سويتي في الإختبار؟
بشاير ( بصوت واطي): الحمدلله زين ..
((وهي في قلبها تقول وش عليك ))
ريما: تصدق يا محمد .. بشاير الخبله كانت ما تبغى تجي هههههه تقول تخاف
محمد ( وهو يطالع بشاير ومبتسم إبتسامه تذووووب الصخر): من شنو تخاف ؟
ريما: ههههه يعني من شنو أكيد منك
محمد: صدق الكلام يا بشاير؟
بشاير منحرجه وتمت ساكته
ريما (حست إن بشاير منحرجه وحبت تغير الموضوع): بتخلينا واقفين كذا .. يلا بسرعه إفتح السياره
^_^_^_^_^_^_^_^_^_^
بيت بو فيصل
فيصل : يمه .. بشورتي و مشاري جاوا..؟
أم فيصل : لا والله ما بعد يجون
فيصل: ليه تأخروا؟ إشتقت لـبشورتي وسوالفها
أم فيصل: مشاري عنده كلاس .. وقال لمحمد ولد عمك يجيب البنات
فيصل: شكل القمر بيتأخر اليوم
ام فيصل : يا ولدي يا فيصل انت صرت رجال .. متى راح تتزوج
فيصل: الله كل هذا تبغين تفتكين مني ؟
ام فيصل : لا يا بعد قلب امك بس نفسي اشوف عيالك
فيصل: ان شاء الله تشوفينهم بس بعدين .. الا اذا خطبتي لي اللي في بالي بسرعه راح تشوفينهم
ام فيصل : من هي اللي في بالك وانا اخطبها لك
فيصل: الصراحه انا خايف من امها انها ما ترضى
ام فيصل : وهي تلقى مثلك .. انت كل البنات يتمنوونك ..
فيصل: صدقتي بس هذا مدري عنها
ام فيصل : انت قول لي من هي وانا اخطبها لك واذا ما وافقوا اخطب لك اللي احسن منها
فيصل: لا ما ابغى الا هي
ام فيصل : طيب من هيي ؟
فيصل: امممم مممممم اختي بشاير
ام فيصل : وكل هالسفه وانا ما صدقت انك نويت على الزواج في الاخير تصير بشور .. يا خوفي ساحرتك اختك وانا مدري .. ولا احد يقول يبغى يتزوج اخته
فيصل ( ميت من الضحك ): ههههههههه يا حليلك والله يا امي تصدقين بسرعه
^_^_^_^_^_^_^_^_^_^
يعني ما ودك تجينا
يعني متكبر علينا
صرت متغير وقاسي
صرت حتى تشك فينا
محمد يستهبل : اوووه ضيعت الطريق .. بشاير دليني بيتكم
بشاير خايفه و مستحيه.. ووصفت له البيت
^_^_^_^_^_^_^_^_^_^
بشاير و ريما : السلاااام عليكم
فيصل و أم فيصل : وعليكم السلام
فيصل : هلا ببشورتي و مرحبا نورها طفا الكهربا
بشاير ( مستحيه ):فيصل عاد لا تبالغ
فيصل: فديت اللي يستحون يا ناس .. الا ما قلتوا لي وش سويتوا في الاختبار؟
بشاير: الحمدلله كل شي تمام
فيصل : وانتي يا ريموو
ريما: فيصلووه كم مره قلت لك لا تناديني كذا
فيصل : آسف يا مدام ريما
ريما : انا مو مدام انا آنسه
فيصل: آسف يا آنسه ريما .. يلا قول لي وش سويتي
ريما: والله الحمدلله تمام
فيصل : دام كل شي تمام .. روحي سوي لي بلاك كوفي
ريما: يا سلام .. شايفني خدامه وانا مدري .. شوف اختك موجوده .. وش معنى انا ؟
فيصل : لا اخاف يدين بشور تتعور .. وبعدين انتي وش ضارك روحي سوي لي ولا جيبي شريطي الحين
ريما : زيـــن .. اوووف ذلنا مع هالشريط
( ريما كانت ماخذه شريط فلم من عند فيصل وهو في امريكا .. وكسرته بالغلط وكل ما قالت له شي قال له جيبي لي الشريط الحين وهو شاريه من لندن يعني الرياض مو موجوده فيها )
سوت ريما لفيصل البلاك كوفي وراحت مع بشاير .. وتمت عندهم لبعد صلاة العشاء بعدين راحت لبيتهم ..
^_^_^_^_^_^_^_^_^_^
مساعد: السلام عليكم
أبو مساعد : وعليكم السلام
رزان : إيش حالك عمي ..( وحبت راسه )..
أبو مساعد : تمام بشوفتكم .. .. شوفوا حنا بكره إن شاء الله رايحين البر .. استعدوا
مساعد: إن شاء الله يبه
^_^_^_^_^_^_^_^_^_^
زينه ( تكلم تيلفون ) : جـــد بنروح البر
لمى: والله .. عاد تعالوا ناموا عندي
زينه: مممممم بسأل أمي وبقول لك
لمى: عطيني خالتي انا بتفاهم معها اذا ما رضت
زينه: بس لحظه بروح اقول لها وراجعه لك
^_^_^_^_^_^_^_^_^_^
بشاير توها صاحيه من النوم .. وتشوف جوالها .. ياربي أرسل لمنيره ولا لا .. آه بس ليه صار فينا كذا!! خلاص راح ارسل وأتوكل على الله ..
يا شوق خبرني عن اللي أنا أغليه..
عن واحد روحي %بحبه% مشغوفة
أغليه من بد المخاليق و أفديه ..
وأحس للفرح طعم يوم شوفه.."
يطلب عيوني.."
يطلب القلب" وأعطيه
أرهن حياتي بين ضمة كفوفه..!
ردت عليها منيره..:
أنــا الذي
لو هزني
الكون
ما أنساك
لو أرغمني
الزمن
بالجفا
ما جفيتك
ماينساك
قلب
بالشوق
أغلاك
ولو تطلب
عيونه
يقولك
عطيتك
أنا تحت
امرك
لو تبعد
خطاك
كلي فدا
روحك
وبروحي فديتك
^_^_^_^_^_^_^_^_^_^
زينه: لموووي رضت أمي أنام عندكم
لمى: واااااو وناااسه .. يلا باي بتصل على لينا وريما وبشاير
زينه : اوكي .. باي
^_^_^_^_^_^_^_^_^_^
بشاير في غرفتها تفكر ... يا رب إنك ترجع لي منيره الأوليه .. منيره اختي اللي اقول لها كل أسراري .. اللي طول الوقت أنا أكلمها آآآه بس.. لي 2شهرين ما كلمتها بس بالمسجات او اذا شفتها بالمدرسه .. شلون اقدر اتحمل أنــا.. يوم كانت تفكرن رن جوالها
بشاير: هلا هلا لمى
لمى : أهلييييييين .. أخبارك يا الدوباه ؟ ما تتصل ولاشي..
بشاير: والله تمام .. تعرفين مشاغل الدنيــا .. إنتي أخبارك؟
لمى: الحمدلله تمام دامك تمام .. بشور تعالي اليوم نامي بيتنا .. البنات كلهم بينامون عندي
بشاير: أوكي .. خلاص راح اقول لأمي
لمى: انتظرك
بشاير: لا لا خلاص اعتبري امي وافقت
لمى: وش دراك انها بتوافق
بشاير: وهي ترد طلب لي
لمى: يا الله على الوثووق .. باااي
بشاير : باااي
^_^_^_^_^_^_^_^_^_^
كل البنات تجمعوا بيت لمى
الجوري: بنات نبغى نروح المملكة نتعشى وشتري لنا أغراض علشان البر
بشاير: جبتيها يا الجوري .. فكره ولا احلى
لينا : ايوا نبغى نرووح
لمى: بقول لأمي إذا رضت رحنا
البنات: وااااااو ونااااسه
لمى راحت تقول لأمها
لمى ( ووجها حزين ): بنات أمي ما رضت
ريما: يؤؤ حسافه
لينا: يا الله مشتهية ماكدونالز
لمى: ههههههه
زينه: لميو تكذبين علينا..!
لمى: هههههههه أشكالكم ههههه موووت
بشاير: بنات ما عاش اللي يكذب علينا .. عليها يا بنااات
البنات : عليها
لمى: هههههه لا لا خلااص توبه
بشاير: لا لا حبيبتي مافي
لمى (تبغى تضيع الموضوع): يؤؤ بسكر ماكدونالز
بشاير: اوكي هالمره بنعديها لك بس مره ثانيه لا وألف لا
^_^_^_^_^_^_^_^_^_^
راحوا البنات للسوق تعشوا في ماكدونالز .. وبعدين نزلوا يتسوقون
زينه: الله تهبل هذي الترنك .. وش رايكم كلنا نشتري مثل بعض؟
أنتظر أحلى ردود
12-29-2006, 01:37 AM
1
قصة .-. عسى الله لا يفرقنــا .-.
العرض العادي
